الوحدة 2 (الجزائر بين 1945 و 1989 ) تاريخ بكالوريا_2022
ملخص الوحدة الثانية في التاريخ الوحدة 2 (الجزائر بين 1945 و 1989 )بكالوريا_2022
#بكالوريا_2022
بارطاجي وطاڨي لي عندهم الباك
ملخص الوحدة الثانية في التاريخ باللهجة الجزائرية
الوحدة 2 (الجزائر بين 1945 و 1989 )
بعد ما دخلت فرنسا للدزاير و صراو مقاومات شعبية و حركات تحررية ما فادوش باش يخرج الاستعمار وصلوا عام 1945 و واحد ماراه سامع بالثورة
وفرنسا مازال دايرة رايها فالشعب الجزائري خاصة مجازر 8 ماي 1945 اللي زادت الدزيريين حرارة وقنعتهم باش يديرو ثورة كبيرة
بدات الخدمة وأول شيئ تأسست المنظمة الخاصة في فيفري 1947 و زادت موراها حركة انتصار الحريات الديمقراطية في 1950 و بدات تبان الثورة تطلع و المجاهدين تحمسوا وبداو العمل تاع الصح
هنا دارو الجنة الثورية للوحدة والعمل 23 مارس 1954 و بداو يتلاقاو و يتفاهمو وينتا تندلع الثورة و دارو بيان 1 نوفمبر ( كتبو بوضياف محمد).
بصح باش تنجح الثورة لازم الشعب يوقف
وفي 11 نوفمبر مور ما إنطلقت اول رصاصة فالأوراس (خيرو الاوراس لانها منطقة صعبة على المستعر و الدزيريين يعرفوها مليح وحافظينها) هنا نشروا بيان نوفمبر اللي يشرح سبب الثورة و النتائج ديالها وفي نفس الوقت دارو بث في إذاعة صوت العرب المصرية باش يفهمو العرب وش راه صاري في اليامات اللولين تاع الثورة الدزيريين ماكانتش عندهم القوة و الخبرة الكافية علابيها إعتامدو سياسة الكر والفر بالعربية اضرب واهرب و دارو جيش على الحدود الجزئرية و بداو العمل الفدائي يعني يفجرو رواحهم في وسط الفرنسيين و يخربو وسائل النقل و بدات الحالة تتوسع حتى وصلت لداخل فرنسا
و مع كامل هاد الحوايج اللي صراو فرنسا ما بقاتش قاعدة و مربعة يديها
مام هي دارت ردت فعل و حاصرت كامل الاوراس باش تحبس الثورة
هنا زيغود يوسف جاته فكرة يدير جاست تخلي فرنسا تبعد على الاوراس و دار ما يسمى بهجومات الشمال القسنطيني 20 اوت 1955 في نص النهار باش يبين بلي الجزائريين واعرين
و جات كرد فعل لمشروع سوستال و اعتقال مصطفى بن بولعيد و رابح بيطاط و قتلهم لديدوش مراد احد قادة الثورة
و جات هاد الهجومات مع اجتماع هية الامم و اصبحت الجزائر قضية دولية( تم تدويل القضية الجزائرية في هيئة الأمم في دورتها 10
و الشعب زاد وقف مع الثوار و عاونهم وزال الحصار على الاوراس لكن للاسف إستشهد 1500 جزائري
فاتوا عامين و الجزايريين مازال مدابزين مع فرنسا
بصح الثورة خصها تنظيم (التنظيم المؤسساتي ) داروه فمؤتمر الصومام20 اوت 1956 في بجاية و حكاو فيه على العامين اللي فاتوا وقسمو فيه البلاد إلى ست ولايات و دارو جيش منظم و بقات جماعة 3 (الوفد الخارجي ) تخدم برا
و تم تشكيل الحكومة المؤقتة 19 سبتمبر 1958 برئاسة فرحات عباس
و بداو الاضرابات (إضراب 8 ايام) و المظاهرات (17 اكتوبر 1961 في فرنسا )
هنا فرنسا اختاطفت الوفد الخارجي في 22 اكتوبر 1956
و بدا تعديب الجزايريين و إنشاء مناطق محرمة و محتشدات
و زادت شاركت في العدوان الثلاثي على مصر (حكاية العدوان الثلاثي بدات عند تأميم رئيس مصر جمال عبد الناصر قناة السويس اللي كانت بريطانيا باغية تديها و دارت هي و إسرائيل عدوان على مصر باسكو كانت تابعة للإتحاد السوفياتي و فرنسا عاونتهم)
وتاني إقامة خطي شال و موريس (و هو عملية غلق الحدود الجزائرية الشرقية و الغربية باسلاك شائكة و مكهربة و زرع الالغام
و بدات فرنسا تضاعف فالقوة ديالها و تتبع في سياسة القمع و التجويع و هكذا و الجزايريين صامدين و فرنسا حبت تجبدهم ليها (سياسة الاغراء) بداتها بمشروع قسنطينة اللي فيه 400 الف خدمة و250 الف سكنة و 255 الف قطعة أرض و دخل ثلثي الأطفال الجزايريين يقرو ( بشرط يقراو باللغة الفرنسية و يقراو تاريخ فرنسا و يتعلمو المسيحية ... يعني كانت حابة تقضي على الهوية الوطنية) و إذا قبلو الجزايريين بهاد المشروع تتسمى الثورة ب ثورة الجياع و الجزايريين رفضوها رفض تام مي كاين ناس (حركة) قبلو و ولاو خدامين عند فرنسا و زعما يمثلو الجزايريين على برا
و هنا الجنرال الفرنسي ديغول قالهم نديرو سلم الشجعان 23 اكتوبر 19588(الثوار يحبطو م الجبال و فرنسا تسامحهم و هدا باش يمزق صفوف الثوار بصح كانت محاولة فاشلة الثوار زادو فالعمل الثوري وصبروا
زاد دار مشروع تقرير المصير 19 سبتمبر 1959 و فيه يحبس القتال و يديرو استفتاء على 4 سنين باش يشوفو ادا يبقاو الجزايريين مع فرنسا ولا ينفاصلو عليها ولا يبقاو تابعين ليها برك و يحكمو وحدهم .......مام هاد المشروع فشل.
وراحت فرنسا للصحراء و بدات تجرب فالاسلحة النووية تاعها فيها
و سمحت فرنسا تقريباً فكامل الدول اللي كانت مستعمرتها على جال الدزاير باش ما تطلقهاش من يدها.
